Los Angeles:
Ka Billie Eilish, Peter Gabriel, Sheryl Crow bad kiwei kiwei ki nongrwai kin sa shim bynta ha kawei ka Concert ban pynpaw ia ka jingsngew pyrshah halor ka jingbym lah ban teh lakam ia ki tiar siat ha US ha kaba tang namar kane bun ki mynsiem briew ki la duhnoh ha kine ki bnai bad snem ba laleit.
Ka jingbym don ia ka aiñ kaba pyrkhing ha kaba iadei bad ka jingteh lakam ia ka jingdie ia ki tiar siat ka la pynlong ia ki mynsiem ba lui lui ban duhnoh la ka jingim bad kumjuh ruh ailad pat ia ki riewshim kabu ban leh ia kaei kaei kaba sniew.
Na ka por sha ka por ka la don ka jingiakhih da ki nongshong shnong ka US ban ai jingmut ia ka sorkar ba kan shim khia noh ha kaba iadei bad kane hynrei wat haduh mynta ka sorkar kam pat shim la leh ia kaei kaei kaba bha na ka bynta ka imlang sahlang.
Sa shisien ki nongrwai kin sa shim bynta ha ka concert kaba la tip da Artist for Action to Prevent Gun Violence (AAPGV) ha kaba ki nongrwai na kylleng ki bynta jong ka US kin sa wan ban shim bynta.
Ki riewpaidbah kiba la duhnoh ia kiba ieit ba thoiñ tang na ka daw jong ka jingshah siat ha ki riewshim kabu kin sa wan ban shim bynta lang ha kane ka concert ban ai jingkyrshan.
Katba ka sorkar kam pat shim khia ha kaba iadei bad kane kin dang bun ki jingjia ba sngewsih ki ban dang jia nangne sha khmat.
