Shillong:
Ka jingbuh jingkheiñ ïa ka GDP na ka bynta ka Quarter ba nyngkong jong une u snem mang tyngka ba thymmai katkum ba la pyllait da ka ophis jong ka NSO ka sorkar pdeng. Katkum ka jingkheiñ jong ka sorkar, ka GDP jong ka India ka la kiew da 7.8% ha u bnai. Ïaïong- Jylliew. Ka ophis jong ka National Statistic Office (NSO) ka la pynbna ïa ka jingpyllait ïa ka jingthoh shaphang ka jinglum jingtip ïa ka GDP na ka bynta ka ïoh ka kot ka India na ka bynta ka Quarter jong u bnai Ïaïong-Jylliew (Q1) Quarter.
U Ashishkumar Chauhan, MD & CEO jong ka NSE, u la pyntip ba ka Quarter ba nyngkong jong ka India ha kaba iadei bad ka GDP ka long kaba la sngewtynnad bha. U la bynrap “Ka Quarter ba nyngkong jong ka GDP kaba long 7.8 na ka shispah ka long kaei kaei kaba bha haduh katta katta. Ka India ka dei ka ri kaba kiew sted bha ha ka ïoh ka kot ha ka pyrthei baroh kawei. Ka jingkiew jong ka ïoh ka kot jong ka ri US ka long kumba 2 na ka shispah, bad la khmih lynti ba ka ri China ruh kan long ïa syriem bad kane, bad mynta ka la sdang ban kham hiar. Ka India kan long ka ri ha ka pyrthei kaba nang kiew, ha ka Quarter kaba nyngkong, ki kam kiba ïadei bad ki lad ai jingshakri ki la kiew palat ïa ka 10 na ka shispah, bad kane kane ka bynta kaba long hapdeng bha ha kaba ïadei bad ka jingkiew ka roi ka par mynta la kumba katto katne por, ka jingbei tyngka ka la long kumba 35 na ka shispah bad kane ka long kaba ai mynsiem haduh katta katta. Ka India ka la long kaba la pynkhreh na ka bynta ka lawei, khnang ba yn dang ïoh shuh shuh ka jingkiew kaba sted nangne sha khmat.”
