Mumbai:
Ka Samantha Ruth Prabhu kan sa ak lang bad u Salman Khan ha ka phlim thymmai jong u Karan Johar ha kaba kane ka phlim kan dei kaba yn direk da u Vishnuvardhan. Ha kaba nyngkong la thmu ban pynak da ka Trisha lane Anushka ha kane ka phlim hynrei khatduh eh la shim ia ka rai ban pynak da ka Samantha kum ka nonglam khmat.
Ki nongpeitkai ha u snem ban wan kin sa iohi ia u Salman Khan bad ka Samantha ha ka phlim ban pynmih da u Karan Johar bad i kumba ki tyngshop ka Bollywood ki la sdang sngewtynnad ban ioh ak phlim bad ki puron ka South India.
Ha u Nailar la pynbna ba u Salman un sa ak ha ka phlim u Karan Johar bad hadien 25 snem u Salman ula ioh biang ia ka lad ban ak ha kawei na ki phlim u Karan hadien ka Kuch Kuch Hota Hai.
Ka khubor ka iathuh ba ia kane ka phlim thymmai yn pynkhreh ban leit ring naduh u Naiwieng 2023 bad kane kan dei ka phlim ba-ar ba u Vishu Vardhan un direk hadien jong ka Shershaah.
Ha shwa jong kane ka phlim u Salman un sa pynkhreh ia ka jingpyllait paidbah ia ka Tiger 3 ka ban long ha ka Diwali mynta u snem bad ka Samantha pat ka dang shu dep ak ha ka Kushi bad u Vijay Deverakonda bad ngin sa iohi ruh ia ka ha ka Citadel bad u Varun Dhawan.
