Shillong, Naiwieng 08
U Myntri Rangbah ka Jylla, u Conrad K. Sangma ha ka Sngi U Blei u la ïashim bynta lang bad ki hajar ngut ki paid ‘riewngeit ka Balang Katholik ha ka Proseshon Ïukharist jong ka Ha ka rynsan lad pathai ‘X’, u Myntri Rangbah ka Jylla u la ïasam ïa katto-katne ki dur na ka Mass Bakhuid bad pdiang sngewbha ruh ïa ka jingïadon lang jong u His Eminence Cardinal Filipe Neri Ferrão.
“Nga la ïashim bynta ha ka Mass Bakhuid jong ka Proseshon Ïukharist ba man u snem jong ka Jylla Niam Bah Shillong ha kaba ki paid ‘riewngeit ki la ïasnohktilang ban duwai bad ban ïa pyrkhat,” la ong u Sangma.
“Sngewkmen ïa ka jingdonlang u His Eminence Cardinal Filipe Neri Ferrão uba la kyrkhu ïa ngi mynta ka sngi. To U Blei un kyrkhu ïa ki briew bad ka Jylla baitynnad jong ngi,” u la bynrap.
Ha kane ka sngi la wan ban ïashim bynta lang ruh da u Symbud Myntri Rangbah ka Jylla, Bah Prestone Tynsong bad u MP barim ka Shillong, u Bah Vincent H. Pala.
Ka jingïaid proseshon kaba man la u snem ka ïai long kawei na ki jingïalang niam kaba heh tam ha ka nongbah jong ka Jylla, kaba khring lang ïa ki paid ‘riewngeit ban pynpaw lang ïa ka jingngeit kaba ïasam lang.
