Shillong, Naiwieng 08
Ha ka janmiet ba ka Voice of The People Party (VPP) ka la pynlong ïa ka jingïalang ban pynshai paidbah halor ka nongrim jong ka party, ha Nongthymmai, Umroi, u Bah Ardent, Preident ka party u la pynïasyriem ïa ka jinglong jingman ki nongmihkhmat kum u Suri.
Haba kren halor kane ka phang, u Bah Ardent u la ïathuh khana halor u nongsharai blang bad u Suri.
U la ong ba ki la don kiba pyrshang ban pynbud ïa ka VPP halor ka kam saiñ hima bad ban bynrap ba u Suri u sah hi u Suri.
U Suri u lah ban leh kum u ksew, u lah bn leh kum u paralok, kum u ksew uba phi ri phi sumar hynrei ha kaba kut u Suri hi un dei beit u Suri.
“Kaei kaba jia ha kine ki sngi, haba ki paidbah ki jied ïa u MLA ne MDC, ki jied ba ki sngewnguh ba ki la pynïoh ïa ka Jylla bad ki jied ba ki ieid ïa ka party trai ri, hynrei ka poi ka por ha ka jingïaid lynti ba ki briew ki i ba kane kadei tang ka lad ban pynmyntoi ïalade,” la ong u Bah Ardent.
U la kynthoh ruh ba kine ki MLA ne MDC ki ïarap ban ai da ka pisa sha ki paidbah bad haba ki wan sha u paidbah ki wan da ka bor ka pisa, bad ka la rung mynta sha ki paidbah ba khlem ka pisa yn nym ïakhun ilekshon. Ha kaba kum kane ka por la mih ka VPP, ban leit sha u paidbah ban hikai ba ka VPP khlem pisa ka la jop ilekshon, khlem pisa la ïoh ka jingieid na u paidbah, bad mynta la kulmar kylla sa kine ki briew ba don pisa.
“Mynta sheptieng ki heh spah, ban ïakhun ïa ka ilekshon namar ba don u ‘Prah’, ka pisa te shim hynrei ka vote te yn nym ïoh. Mynta bun kiba kren ha ka sur jong u ‘Prah’, bun kiba leh kumba leh u ‘Prah’, hynrei to kynmaw ba ka politik ka barim jong ki, ka sah hi ka barim bad u Suri hi u sah u Suri,” la ong u Bah Ardent.
