Los Angeles:
Ki Nongpynmih ka POWER TRIP Festival ki la pynbna ia ka kyrteng jong ki kynhun rwai ki ban shim bynta ha katei ka tamasa ka ban long haduh lai sngi. Katkum ka jingpyllait khubor ia kane ka tamasa yn sdang naduh ka 6 haduh 8 tarik u Risaw ha Empire Polo Club kaba don ha Indio, California.
Ka Power Trip ka dei kawei na ki Metal Music Event ha kaba ha ka sngi sdang jong kane ka tamasa yn shim bynta nyngkong eh da ka Iron Maiden bud sa ka AC/DC, JUDAS PRIEST, METALLICA bad ka kynhun rwai TOOL.
Ka jingpynlong ia kane ka tamasa ka dei ban khring ia kito kiba ju sngewtynnad bad ieit ban sngap ia ki jing rwai Metal na ka por sha ka por.
Ka Power Trip ka dei ruh ka tamasa kaba ju pynia kynduh lang ia ki katto katne ki kynhun rwai Metal ha kawei ka rynsan bad mynta u snem kane ka tamasa kan
sa long kaba itynnad bha da ka jingwan shim bynta lang jong ki kynhun rwai Metal ba paw bad ba bna nam bha ha ka pyrthei.
Ha kaba iadei bad ki tiket na ka bynta kane ka tamasa yn sdang ban die noh naduh mynta ka taiew.
