Shillong, Risaw 15
U Pope Francis u la pynpaw ka jingsngewkhia bad ka jingsngewsih kthang halor ka jingïakynad kaba la mih hapdeng ka Israel bad Palestine.
“Ka jingduwai ka dei ka jingsuk bad ka bor bakhuid ban pyrshah ïa ka bor jingsniew jong ka jingisih, kam pyntriem bad ka thma. Nga khot nga wer ïa baroh kiba ngeit ban ïasnohktilang bad ka Balang ha ka ‘Holy Land’ ha ka Sngi Ba-ar, 17 tarik Risaw na bynta ka jingduwai bad ka jingshah jingit,” ong u Pope Francis ha ka rynsan lad pathai ‘X’.
U la ong ruh, “Dei ban burom ïa ka aiñ longbriew-manbriew khamtam ha Gaza. Sngewbha nai pynjaw snam shuh ïa kiba lui-lui, ym ha ‘Holy Land’ ne ha Ukraine, ne ha kano-kano ka jaka! Katto la biang! Ki thma barabor ki long ka jingrem, barabor!”
Shuh shuh u la bynrap, “Nga ïai bteng ban buddien ha ryngkat ka jingsngewsih kthang halor kaei kaba jia ha Israel bad Palestine. Nga kyrpad biang ban pyllait noh ïa kiba shah rahbor bad nga kyrpad ba ki khynnah, kiba shitom, kiba la heh la san, kynthei bad baroh ki ‘riew paidbah ba kin ym long ki lanot jong ka jingïakynad.”
