Shillong, Risaw 18
Ka Kynhun Myntri ka Jylla kam pat ïatai ne ai jingmynjur ïa ki jingpynbeit tarik haba ïadei bad ka jingpynlong ïa ka ilekshon MDC ha u snem 2024, kita ki jingpynbeit tarik ki la nang lait tuh bad saphriang kylleng ha social media.
Katkum ka jingpynbna kaba la pynsaphriang, la pyni ïa ka jingpynbeit ïa ka tarik kaba dang shu antad na ka bynta ka ilekshon sha Ïingdorbar KHADC bad JHADC.
La pyni ba ka jingpynmih ïa ka thup kyrteng ki nongthep vote kan dei ha ka 8 tarik Kyllalyngkot, 2024 bad ka jingpynmih ïa ki thup kyrteng kaba pura bad kaba khatduh ka dei ha ka 1 tarik Rymphang, 2024.
Ka tarik ban thep kyrteng khatduh ka dei ha ka 8 tarik Rymphang 2024.
Shuh shuh la pyni ruh ïa ka tarik ban thep vote ha ka 27 tarik Rymphang, 2024 bad ka tarik ban ñiew vote ha ka 1 tarik Lber, 2024.
