Ïoh ka India palat 10 lak klur ki jingbei tyngka hapoh lai sngi jong ka jingplie ïa ka Maritime Amrit Kaal Vision 2047

Shillong, Risaw 19

Ka Global Maritime India Summit, 2023, kawei na ki maritime summit kaba heh tam ha pyrthei, ka la ïoh T. 10 lak klur ka jingbei tyngka ha ka prokram kaba lai sngi. Lyngba kane ka jingjop kaba khraw, ka bynta ba lai jong ka GMIS ka long ka sienjam ba kongsan ban kot sha ka thong jong ka ‘Amrit Kaal Vision 2047’ jong ka jingbei tyngka kaba T. 80 trillion- ka thong ba la ïasam da u Myntri Rangbahduh u Narendra Modi na ka bynta ka jingkyntiew ïa ki kam kiba ïadei bad ki duriaw ha shuwa u snem 2047.

Ha ka jingïalang pynkut jong ka GMIS, 2023, u Myntri Sorkar Pdeng ba dei khmih ïa ka Tnat Ports, Shipping & Waterways bad Ayush, u Sarbananda Sonowal u la pyllait ïa ka ‘GMIS 2023 Mumbai Declaration’  ryngkat ka jingïadonlang ka Myntri Sorkar Pdeng ba dei khmih ïa ka Tnat Kam Pla Tyngka, ka Nirmal Sitharaman; U Myntri Sorkar Pdeng ba dei khmih ïa ka Tnat Commerce & Industry, u Piyush Goyal; u Myntri Sorkar Pdeng ba dei khmih ïa ka Tnat Pule Puthi bad Skill Development & Entrepreneurship, u Dharmendra Pradhan; u Myntri Rangbah jong ka Gujarat, Bhupendrabhai Patel; u Symbud Myntri jong ka Maharashtra, u Devendra Fadnavis; u Symbud Myntri jong ka Maharashtra, Myntri Khynnah jong ka Sorkar Pdeng ba dei khmih ïa ka Tnat Ports, Shipping & Waterways, Shripad Naik, u Myntri Khynnah jong ka Sorkar Pdeng ba dei khmih ïa ka Tnat Ports, Shipping & Waterways, u Shantanu Thakur bad kiwei kiwei de.

Ha ka jingai jingkren ha ka jingïalang pynkut ïa ka GMIS, 2023, u Myntri Sorkar Pdeng ba dei khmih ïa ka Tnat Ports, Shipping & Waterways and Ayush, Sarbananda Sonowal u la ong, “Ka la long ka jingsdang kaba bha ïa ka Global Maritime India Summit, 2023 da kaba ïoh ïa ka jingbei tyngka kaba palat T. 10 lak klur ban kot sha ka thong jong u Myntri Rangbahduh jong ngi uba ïohi jngai, u Narendra Modiji kumba la saiñdur ha ka Maritime Amrit Kaal Vision, 2047.  Ka vision document ba la pyllait da u Modiji ka don ka jingthmu na ka bynta ka jingkyntiew ïa ki kam duriaw jong ka India da ka jingpyntreikam ïa ka jingthmu ha ka por ha ki bynta bapher bapher.”