Shillong, Risaw:
Ka Toyota Kirloskar Motor (TKM) ka la sdang ïa ka sienjam trei kaba la tip kum ka ‘Great 4X4 Expedition da ka Toyota’ ha ka thaiñ Mihngi jong ka India. Kane ka lympung ka dei ka sien ba saw jong ka jingñiah kali ha ki lynti kiba eh, bad pynñatylli ïa ki nongñiah kali kiba sngewtynnad ban ñiah ïa ki kali ha ki lynti kiba eh kiba don sha ki jaka kiba itynnad jong ka Ajodhya Hill Top, Purulia, West Bengal, naduh ka 13 haduh 15 tarik U Risaw. Ka jingñiah kali kaba kham hashwa jong ka Toyota ka la long kaba jop ha ki bynta ba Shathie, sha Sepngi bad ka bynta ba Shatei jong ka India, bad ïa kaba la saiñdur bha na ka bynta ban ñiah ïa ka kali 4-shaka ha kine ki jaka kiba itynnad. Kane ka jingñiah kali ka pyni ïa ki bun tylli ki kali 4-wheel drive SUV,kynthup ïa ki kali ka Toyotakum ka Hilux, LC300, Fortuner, bad Hyryder AWD, bad kumjuh ban pdiang ïa ki trai jong ki kali SUV na kiwei ki kompani.
Ha kane ka lympung ka pyni ïa ki lynti kiba eh bad la shna ruh ïa ki lynti ban ïaid ki 4WD, bad pyni ïa ka jinglah ban ïaid jong ki kali 4X4. Ki lad jingïada ki la don lypa, ha kaba ki nongñiah kiba tbit kiba la ïashim bynta, bad ka don ruh ka jingshim bynta ban long kaba pdiang da ka mariang, ha kaba ki nongïashim bynta ki la thung dieng bad pynneh pynsah ïa ka mariang ryngkat ka jingïatreilang bad ka Sankalp Taru. Ka jingangnud jong ka Toyota ka long ban ai ka jingshakri kaba bha ha kaba ïadei bad ka jingñiah ïa ki kali ha ki lynti kiba eh bad ha kajuh ka por ban don ki sienjam na ka bynta ban long kaba ïahap bad ka mariang.
