Shillong, Risaw:
Ka kynhun ki 16 ngut ki dkhot jong ka Knight`s Association” Kumpanjija”- Blato (Croatia) ka la wan jngoh ïa ka North-Eastern Hill University (NEHU) ha ka step Lah Sngi U Blei da ka jingthmu ban ïakylliang ïa ki jingtip, ki buit bad ki nonghikai lem bad ki samla pule ha NEHU.
Ïa ka prokram la pynlong ha U Kiang Nongbah-NEHU, Old Guest House Auditorium Hall.
Ka jingthmu jong katei ka jingwan jngoh ka long ban pynsaphriang jingtip shaphang ki ‘Folklore Festival’ bad ka lariti jong ka Blato, ka dewlynnong ka Kor?ula, bad ka Republic ka Croatia, kaba la ju bna na bynta ka mariang, lariti, histori bad ka bam ka dih kaba don ha tduh ïakynduh jong ka jaka pdeng bad ka phang shathie lam mihngi ka Europe.
Ïa ka jingïalang la pynlong ha ka sngi kyrpang kum ka ‘Navaratra’ ha kaba la rakhe ïa ka jingjop jong ka jingbha ïa ka jingsniew lyngba ka lynti jong ka imlang-sahlang bad ki jinglehniam da kaba ban jur halor ka jingshah thngan bad ka jingtyrwa ïa ki jingduwai.
Ka Indian Council of Cultural Relations (ICCR) bad ICSSR-NER, NEHU, ki la shim ïa ka sienjam.
Na ka liang u Vice-Chancellor ka NEHU, Prof. P.S. Shukla, u la pynïaid ïa ka prokram bad ai khublei ïa ki ‘delegate’ nongwei kiba la wan sha NEHU, ha kajuh ka por ban wan jngoh ruh ïa ka Jylla ban pyninam ïa ki sap ki phong jong ki – ka Kumpanjija, ka jingshad waitlam, ka jingshad lehniam kaba kdup ïa ka nongrim jinglong nongïakhun jong ki paidbah kiba la ïada ïa ka dewlynnong na ki nongwan hiar thma ha ki por ba la leit noh.
Ka waitlam ka long ka dak jong jingkhlaiñ, jingshlur, bor, ïada bad ka jingsynshar nalor kiwei-kiwei.
Hashuwa, u Prof. B. Panda, Honorary Director, ICSSR-NER bad N. Munish Singh, Zonal Director, ICCR, North-East u la ai ka jingkren ai khublei ha kane ka sngi.
