Shillong, Jylliew 19
Ka Voice of the People Party (VPP) State Youth Wing, ha ka 18 tarik Jylliew 2026, ka la leit ban kynduh ïa u Abhilash Baranwal, Deputy Commissioner ka East Khasi Hills District, kum ka jingbuddien halor ka jingpyllait kloi ïa ka risol eksamin Sectional Assistant, kaba dang shu pynlong shen.
Haba kren sha ki lad pathai khubor, na ka liang u Bah David Umwi, u la ong ba na ka liang u DC u la pyntip ba ka jingpyllait kloi ïa ka resol, kadei namar ka jingpeit bniah ïa ki kot thoh eksamin ka ïaid katkum ka juk kaba mynta, kaba pynsted ïa kane ka kam.
U Bah David u la ong ruh ba kum ka party ka sngewlyngngoh, ba kane ka risol, ki Samla wad kam ki la sdang thoh ha ka sngi Saitjaiñ, hynrei ka DSC pat ka la pynmih noh ha ka sngi Ba-ar.
“Ngi dawa na ka DSC, haba ka pyllait ïa ka risol, kadei ban pynmih lang ïa ka kyrteng jong uno-uno u ba ïoh ha ka kam, ym tang u Roll Number, khnang ba kan pynsuk ïa ki Samla thoh exam,” u la bynrap. Namarkata, u Bah David u la ong ruh ba u DC u la kular, ba un nym pat ai ïa ki ‘appointment letter’ haduh ba ynda lah ban pynbeit ïa ki jingduna, ba kynthup naduh ka jingpynmih ïa ki kyrteng kiba pass ha kane ka eksamin, ym tang u Roll Number.
