Mumbai:
U Ranveer Singh uba la mad ia ka jingduhnong bakhraw na ka daw jong ka jingbym iaid ki 3 tylli ki phlim ba u ak ula iathuh ba katno kane ka la ktah ia u ha kaba ula duhthiah duh dem bad um nang satia ban bam ban dih.
Ha ka show jong u Karan ka Koffee With Karan u Ranveer u la iathuh ba ka jingbym iaid kitei ki phlim ka la pynlong ia u ba un hap ban long uba kitkhia bha ia ka kam ka jam bad ban ialeh ruh ban wad ki lad kumno ban pynlong ia ki nongpeitkai ban shah khring ha ki phlim ba u ak.
Wat lada u Ranveer ula mad ia ka jingiohnong ha ki phlim pynban ha kajuh ka por ula mad ruh ia ka jingduhnong kaba um shim poi pyrkhat bad ong ba u shim ia kane ka jingjia ha ka jingim kum ka jingsneng bakhraw bha ia u.
Kum u tyngshop u Ranveer ula sdang ban kiew ha ka kam ba u trei hadien ba ula ak ia ka Ram Leela ha kaba kane ka phlim ka la pynlong ia u ba un ioh jingiaroh na kiba bun ki nongpeitkai bad kumjuh ruh ha ka Bajirao Mastani,Padmaavat bad Gully Boy.
U Ranveer u sngewthuh ba bun ki khlur ak phlim ki la mad ia ka jingduhnong ha ka kam ba ki trei kumba long ma u bad dei ruh kane kaba la pynpeitmat ia ki ba ki donkam ban shim khia ia ka kam ym ban kheiñ sting shuh.
