Mumbai:
I kumba ka jingkynad hapdeng ka Kangana Ranaut bad ka Taapsee Pannu kan ym kut shuh bad i kumba ka dang kham khluit shuh shuh ha kaba mynta la ioh khubor ba ka Kangana ka la kynnoh ia ka Taapsee ba ka la pyrthut bud ban ak ha ki phlim ba ka la dep ban ak teng.
Ka Kangana ka sngew ba ka Taapsee ka dei ka puron ka bym don sap satia ban ak phlim bad kaba shu pynbud tynneng na kaei kaba kiwei ki leh ha kaba nalade hi kam don jingtip satia kano ka phlim kaba iahap bad kaba biang bad ka.
Kane ka puron ka sngew ba ki puron kum ka Taapsee kin ym lah satia ban kiew ha ka jingim lada kim nang satia ban rai ia kaei kaba ki dei ban leh.
Ha kawei na ki interview, ka Kangana ka la ong ba ka Taapsee bad ka Swara ki nang tang ban kynthoh ia ka hynrei ialade pat kim shim poi shano shano.
Ka Kangana ka la iathuh ba ka Taapsee ka la soi ia ki phlim ba la wan tyrwa nyngkong ia ka bad kiba ka la kyntait bad dei ruh na kane ka daw ba bun ki phlim jong ka, kim shim long kiba itynnad.
Haba phai pat sha ka liang jong ki phlim ia ka Kangana ngin sa iohi ha ka Chandramukhi 2, Dhaakad, Thalaivii bad mynta ka dang ap ia ka jingpyllait paidbah ia ka Tejas bad Emergency.
