Los Angeles:
U Martin Scorsese ula kren halor ka jingpher ka rukom shna phlim hapdeng jong u bad u Quentin Taran tino da kaba ong ba kane ha kawei ka liang ka la khring bha ia ki nongpeitkai ban peit ia ki phlim jong ki bad u Martin ula bynrap ruh ba lada ka rukom shna phlim jong u bad u Quentin ka long kumjuh kane kan ym long satia kaba itynnad.
U Martin uba la wan pynbna ia ka phlim thymmai ka Killers of the Flower Moon, ula ai jingiaroh bha ia ki phlim ba shna da u Quentin Tarantino’ bad ong ba ki phlim jong u ki da long shisha kiba itynnad bad kiba ki nongpeitkai ki ai jingiaroh bha.
U Martin u sngew ba ka Hollywood ka donkam ia ki nongshna phlim kum u Quentin Tarantino naba ki phlim jong ki, la pynshong nongrim ha kata ka rukom ba kin long kiba itynnad bad kiba ka khana kan kham pher.
Kum u nongshna phlim ialade u Martin u sngewsih bad sngewdiaw mynsiem hadien ba u Quentin Tarantino ula pynbna ban shongthait noh na ka kam ba u trei bad ong ba kane kan sa pynbynnud ia kiba bun naba kin ym lah shuh ban dang iohi biang ia ki phlim jong u ha ki snem ban wan.
U Martin bad u Quentin dang ha kine ki khyndiat bnai ba la leit ki la kynthoh ia ka Marvel bad kiwei kiwei ki kompani pynmih phlim halor ka jingpynleit jingmut jong ki ban shna tang ia ki phlim Superhero ha kaba ka jingbun jong ki phlim Superhero ba la pynmih ka la pynngiah ia kiba nongpeitkai.
