Los Angeles:
Ka Zendaya ka la pynpaw ia ka jingbym sngewtynnad jong ka ban kilan met ha kaba kane ka puron ka dang kham biang ban leh da kiwei kiwei ki kam ban ia kaba ka kilan met.
Ka Zendaya kaba la ak ha ka Euphoria ka itynnad ia ka jingshim khia jong ki katto katne ki puron ban kilan met hynrei ialade tang ba ka pyrkhat ka la ngiah lypa.
Kane ka puron kaba long ha kajuh ka por ka nongrwai ka sngew halade shimet ba kam da donkam than ban kilan met naba ka sngew biang ha ka met ka phad hynrei wat la katta teng teng pat kan hap hi ban leit kilan met ban pynwandur ialade.
Ha ka jingiakren bad kawei na ki lad pathai khubor jong ka Hollywood ka Zendaya ka la iathuh ba ka ju ioh mynsiem na kiba bun ki paralok jong ka ban kilan met hynrei kam shim pynsngew ne shah shkor ia ki.
Kane ka puron kaba nang bha ban riam ban beit sha kino kino ki jaka ba ka leit shim bynta ka itynnad ia ka rukom long ka met ka phad jong ki katto katne ki puron hynrei ialade ban pynshitom pat kam kwah.
Ki nongkyrshan ka Zendaya ki sngew ba kam da long donkam than ia ka ban pynleit jingmut ha kaba iadei bad kane ha kaba, kaba kongsan eh ka dei ba ka hap ban nang ban ak phlim bad tang kane ka la biang eh ia ka bad kam donkam ban pyrkhat khuslai ia kiei kiei.
Haba kren halor ki phlim thymmai ia ka Zendaya ngin sa iohi ha ka Challengers and Dune: Part 2 ha kaba ia kine ki phlim la rai ban pynmih haduh u 2024.
