Los Angeles:
Ka kynhun rwai Dream Theater ka la pynbna ia ka jingwanphai biang u nongtem drum u Mike Portnoy ha kaba u Mike un sa long biang u dkhot jong katei ka kynhun rwai ryngkat bad u nongtem guitar u John Petrucci, John Myung, James LaBrie bad Jordan Rudess.
U Mike, John, Myung, LaBrie bad Jordan Rudess ki la seng ia ka DREAM THEATER ha kaba kane ka kynhun ka la paw na ka bynta ki katto katne ki thup jing rwai ba ka la pynmih.
Ka jingwanphai biang jong u Mike ka la pynheh mynsiem ia ki dkhot ka Dream Theater kiba la sngew ba mynta ka por ka la biang ia ki ban pyrkhat noh ha kaba iadei bad ka jingpynmih thup jingrwai thymmai bad kumjuh ruh ban sdang biang ia ka jingleit rwai kylleng.
Kane ka kynhun kaba la don 40 snem ha ka jingiaid lynti jong ka, ka la pynpaw ba ka long kaei kaei kaba pynheh mynsiem ba u dkhot barim ka DT ula wan ban pyniasoh biang bad kane ka kynhun.
Ka DT kum ka kynhun ka dei ruh kaba la ioh ban rah teng ia ka Grammy Awrard ha ki por bad ki snem ba la leit.
