Khliehriat, Risaw 31
U District Magistrate, East Jaiñtia Hills District ha ka hukum kaba u la pynmih hapoh ka Section 44 CrPC u la khang pyrshah ïa ki dukan ne kino-kino ki jait jingtei kiba ïadei bad ka kam khaïi-pateng hapoh 50 meter na ki wah kiba don hapoh ka District.
Katkum ka hukum la ong ba lada don ka jingshna jingtei shajan ki wah ka lah ban wanrah ka jingktah bad jingma ïa ki jingthaw ba im ba don ha ki wah, kumta donkam ban peit bniah ïa kine baroh da kaba buh da ki kyndon aiñ.
Shuh shuh baroh kiba don jingthmu ban shna ne tei jingtei shajan ki wah ki dei ban ïoh jingbit shwa na ka shlem treikam u District Magistrate, East Jaiñtia Hills District, Khliehriat.
