Shillong, Naiwieng 01
Ha Meghalaya, u dewïong ba la dep tih naduh kham mynshwa u dang don sa kumba 3 lak Metric Ton (MT) hadien ba la buh ban lilam kumba 5,92,645.385 MT u dewïong ba la dep tih lyngba ka e-auction kaba leh da Coal India Limited (CIL).
Ka tyllong khubor ka ïathuh ba ïa ka jingkheiñ halor ka jingdon u dewïong ba la dep tih ha Jylla, ka dei kaba la leh biang ban pyntikna kynthup ruh da kaba leit peit khmat ïa ki kita ki dewïong nalor kaba la leh da ka drone survey.
Kumta ha ka por ba leit peit da ki khmat, la antad ba u dewïong u dang don sa kumba 18 lak MT, hynrei mynta pat u la nang hiar sha ka 14 lak MT lyngba ka drone survey.
Kumta na ka 14 lak MT u dewïong ba la dep tih, uba dang sah ban lilam u long sa 3 lak MT hadien ba la pyllait ban die lilam noh haduh 5,92,645.385 MT dang shen.
Ka tyllong khubor ka ïathuh ba ka thong ban pyndep lilam noh ïa u dewïong ka long ha u Nohprah mynta u snem.
