Shillong, Naiwieng 02
Ka Sorkar Jylla kam pat shym la leh eiei haba ïadei bad ka ‘show cause notice’ kaba la pynmih pyrshah ïa ki 10 ngut ki Superintendents of Police (SP) bad 18 ngut ki Inspector namar ka jingkynnoh ba ki khlem lah ban khanglad ïa ka jingtih dewïong be-aiñ bad kumjuh ruh ka jingshalan be-aiñ.
Kane ka paw ha ka kaiphod kaba khathyn-ñiew jong u Justice (retd) u BP Katakey uba la phah ïa ka kaiphod sha ka Meg-halaya High Court dang ha u Nailur mynta u snem.
La ong ba ym shym la don eiei ban leh halor ka ‘show cause notice’ ne kano-kano ka jingleh pyrshah kaba khlem bud ryntih shuh da ki bor ba dei khmih.
Ha ka jingshisha ka Meghalaya High Court, ha kaba ka la pynmih hukum ha ka 27 tarik Jylliew, 2023 ban don ka jingtohkit pyrshah ïa ki briew kiba donkti ban leh be-aiñ ïa ka jingtih dewïong bad ban shalan nalor ki kam ban peit ïa ki kam nalor ka jingbym leh eiei ïa kiba la leh bym dei kiba don ha ka jingpynïaid kam khamtam ki pulit ophisar.
