Jowai, Naiwieng 10
Ka Synjuk Waheh Chnong Ri-Jaiñtia ha ka 18 tarik Naiwieng kan pynlong ïa ka jingïalang paidbah (General Meeting) ha District Library Auditorium, Jowai ha ka por 10.00 baje mynstep.
U President ka Synjuk Waheh Chnong Ri-Jaiñtia, u Bah A. Lypon u la pyntip ba ha katei ka jingïalang paidbah yn ïakren halor ki mat ba kynthup naduh ka aiñ ka District Council, 2015, ïa ki shnong bad Waheh Chnong, ki kam pynbeit ïa u pud u sam ha ki thaiñ Block-1 bad kiwei-kiwei de.
Kumta ka synjuk ka la kyntu ïa baroh ki Waheh Chnong ha Ri-lum Jaiñtia ban sngewbha pyllait ïa ka por ban ïa wan sha ka jingïalang khnang ba ka jingthmu jong ka synjuk kan long kaba ïaid beit ïaid ryntih.
