Shillong, Naiwieng 10
Kum shibynta ka jingrakhe ïa ka Gaurav Jan Jatiya Divas (Tribal Pride Week) ka Department of Arts and Culture, Meghalaya ha ryngkat bad ka Shillong Public School ka la pynlong ïa ka rynsan ïakop rwai tynrai na ka bynta ki khynnah skul ïa kaba ki khot ka Inter School Traditional Singing Competition 2023 myn ha kane ka 9 tarik Naiwieng ïa kaba la long ha LARITI, program center kaba don ha Maw-kasiang, ha kane ka jingïakop lawan ban ïa shimbynta da ki skur bapher bapher kiba don ha Rilum khasi & Jaiñtia, ïa kane ka jingïakop lawan ban long kum ki nongbishar da ki 3 ngut ki nongrwai bad nongtem ba paw jong ka jylla ki ta ki long ka Kong Silbi Passah, u Bah Adorbha C Shangpliang bad u Bah Desmon Rimaki Sun, katba ïa ka program la pynïaid da ka kong Narisa G Dkhar bad kong Jennifar Sohliya.
Ha kane ka jingïakop rwai tynrai ha ka Solo Category la wan ba nyngkong da ka Meghalaya Police Public School, ba-ar da ka St Edmund School Shillong bad ha ka kyrdan balai pat la ïoh rah da ka Parïong Presbyteri Higher Secondary School .
Ha ka Duet Category pat la wan ba nyngkong da ka St. Mary’s Higher Secondary School ba ar ka Meghalaya Police Public School, ba lai pat da ka St. Edmund School Shillong.
Ha ka Group category ïa ka kyrdan ba nyngkong la ioh rah da ka St. Edmon School ba ar daka Seven Z Higher Secondary School bad ba lai pat daka Jowai Poblic School.
Ïa ki khusnam sha ki skul ba jop la sam da u Bah F R Kharkongor uba dei u Commissioner & Secretary ka Arts & Culture. U Bah Kharkongor u la pynbna ruh ba ka skul kaba wan banyngkong ha kane ka jing ïakhun, kan ïoh ban rwai biang ha ka sngi sdang jong ka Jan Jatiya Gaurav Divas ka ban sa long ha ka 15 tarik Naiwieng bad ruh ha ka Tri Hills Ensemble ka ban sdang ha ka 24 tarik Naiwieng ha U Soso Tham Auditorium, Shillong.
