Phulbari, Naiwieng 14
Ka Garo Hills Autonomous District Council (GHADC) ka la ïaid shakhmat bad leh ïa kaba donkam hadien ki khubor halor ka jingdon jong bun bah ki jaka tih bad tylliat maw ba treikam be-aiñ ha ka thaiñ Gomaijhora, ha ki jaka thor ka West Garo Hills.
Ka khubor hynnin ka sngi ka kdew ïa kumba 12 tylli ki jaka tih maw bad kumba 4 tylli ki jaka tylliat kiba la pynïeng bad treikam be-aiñ ha ka thaiñ wat hapdeng ka jingdon jong ka khyrdop peitngor ka GHADC bad ka ophis ka Forest Development Corporation of Meghalaya (FDCM).
Hadien ba la phah jingtip sha u CFO, u Rangkhu N. Sangma halor ki kam be-aiñ kiba treikam hapoh ka thaiñ, la phah ïa ka kynhun ka GHADC – Phulbari Forest Range hynne ka step ban tohkit halor katei ka bynta.
Hynrei, kumba da tip lypa ba kan don ka jingkhynra hadien katei, ki trai par maw ba treikam be-aiñ ha ryngkat ki nongbylla lem bad ki tiar ki tar ki la phet krad na ki jaka treikam jong ki.
Haba ka kynhun ka la poi, kaba bun na katei ka jaka la dep pynkhuid lut. Hynrei uwei na ki nongbylla u la kum ieh noh shadien ïa kawei ka kor ba la pyndonkam ban kjit um hadien ba ki la shah kthong ha katei ka kynhun. Ha kajuh ka por, la lap shuh ïa ki tiar ba la pyndonkam ha ka ban tih bad khat nalor kiwei-kiwei na kiba bun ki jaka ba katei ka jingtih be-aiñ ka treikam.
Ïa kitei baroh la kurup bad wanrah noh sha ophis Phulbari da ka kynhun kaba la leit sha katei ka jaka.
“Kiba bun na kine ki briew tikna ba ki pyndonkam ïa ki jingpynbthei ban khong maw lym kumta yn ym lah ban pynpra ïa katei ka jaka baheh ha ka por kaba lyngkot. Ka FDCM ka la dei ban pyntip sha ngi halor kane ha ka jaka ban kynjoh sha kiba halor jong ki, kumjuh ki nongtrei khyrdop ka GHADC. Ïa ka jingïadon bynta jong ki ngi pynrem jur,” ong ki tyllong khubor ba tikna ka tnad khlaw.
Ka tnad khlaw ka GHADC ha kawei ka liang ka la kular ba kan sa pynshitom ïa kito kiba pynkheiñ aiñ.
