Shillong, Naiwieng 14 (UNI)
Ka kynhun Search & Rescue ha ka Sngi Ba-ar ka la lap bad ïoh pyllait im ïa u Commandant ka tnad Border Security Force (BSF) uba la jah lynti hapoh Nokrek Biosphere Reserve, West Garo Hills.
U Raj Narayan Mishra uba khmih ïa ka 200 Battalion jong ka BSF, uba shakri ha Praharinagar, Tura u la jah rngai ha ka Lah Sngi U Blei lajan 8 kynta ha ki khlaw ba rben jong ka Nokrek Biosphere Reserve.
U ophisar ka BSF u la ong ba u Commandant u la leit sha katei ka jaka ban sngewthuh bad tip kham bniah ïa ka khlaw ba rben hynrei u la ïakhlad noh na ka kynhun kaba la leit lang.
“Mar-mar, da kaba buh jingmut ïa ka jingsdang dum sngi bad ka khlaw ba rben, ka kynhun ïatreilang ba kynthup ïa ki pulit ka Jylla, nongshong shnong ka thaiñ bad ka kynhun BSF ka la ïashim bynta ha ka ban wad bad lap ïa utei u ophisar uba la jah rngai,” u la ong.
