Shillong, Naiwieng 15
Ka jingrakhe jong ka Jylla ïa ka ‘Jan Jatiya Gaurav Divas, 2023’ ka la sakhi ïa ka jingïashim bynta shit rhem lyngba ki prokram bapher-bapher kiba la pynlong ha nongbah.
Ha ka por mynstep, u Chief Secretary, Bah D. P. Wahlang u la kaweh lama ïa ka jingïaid proseshon halor ka lariti ba kynthup ïa ki kynhun kiba mihkhmat ïa ki bynta bapher-bapher kumjuh ki ‘tableau’ kiba pyninam ïa ki 3 ngut ki ‘riewshlur bad nongïakhun laitluid ka Jylla, ba kynthup ïa ka kali ‘Mobile IEC’ jong ka Viksit Bharat kaba la plie ha kajuh ka por ha 75 tylli ki distrik ‘riewlum jong ka ri ba kynthup ïa ka East Khasi Hills bad West Jaiñtia Hills, East Garo Hills & North Garo Hills District.
Ka prokram halor kane ka jingrakhe ka la sdang da ka jingbuh syntiew ha ki mot dur ba shi rynïeng jong ki 3 ngut ki nongïakhun laitluid ka Jylla da u Kongsan, Myntri ka tnad Lariti, Bah Paul Lyngdoh ha ka jingdonlang u Symbud Kongsan, Dy. CEM ka KHADC, Bah P. N. Syiem, Commissioner & Secretary ka tnad Lariti, Bah F. R. Kharkongor, IAS, nalor kiwei-kiwei.
