Shillong, Naiwieng 15
Ka JAC-NEHU kan ïakynduh ïa u Vice-Chancellor (VC), Prof. P.S. Shukla ha ka Sngi Palei ha Conference Hall jong u VC ha ka por 11:30 baje mynstep.
Nalor kane, kan don ruh ka ‘General Assembly’ jong ka JAC habar ophis treikam u VC hadien ka jingïalang ban ïasam sha baroh halor ka jingmih na ka jingïalang bad ki dkhot ka JAC, ha kajuh ka por ban rai ïa ka sienjam nangne shakhmat.
Na ka liang u Shongknor ka JAC, Prof. Lakhon Kma u la ong ba ka jingïakhih sangeh treikam kan dang bteng lashai ka sngi hynrei la kyrpad ïa ki dkhot jong baroh 3 kynhun ban ïalum lang habar ophis treikam u VC ha ka por 11:30 baje mynstep.
