Shillong, Naiwieng 15
Ka sorkar jylla kan pynlong da ka sorjamin ban ithuh ïa ki nongdie jingdie ha madan naduh ka 18 tarik Naiwieng haduh ka 18 tarik Nohprah, 2023 ha Khyndailad, Laitumkhrah bad Polo.
Ka jingleh ïa kane ka sorjamin ka long katkum ka kyndon 4 jong ka “The Meghalaya Street Vendors (Protection of Livelihood and Regulation of Street Vending) Scheme, 2023.
Katkum ka jingpynbna na ka State Nodal Officer, Meghalaya Street Vendors Scheme, la ong ba ka jingleh ïa ka sorjamin hapdeng kitei ki tarik kan sdang ha ka por 7 baje mynstep haduh 10 baje mynstep, 11 baje mynstep haduh 5 baje janmiet, bad naduh 7 baje janmiet shaneng.
La buh ruh ïa ka Facilitation Centre ha ka shlem treikam jong ka Shillong Municipal Board kaba don ha Bishop Cotton Road. Ka Nodal Officer jong kane ka sorjamin kan dei ka Kong Martina Lyttan, MCS.
