Shillong, Naiwieng 16
Ka Indian Meteorological Department (IMD) jong ka Sorkar India ha ka Sngi Palei ka la maham ba ka lah ban don ka jinghap slap ha ka thaiñ Mihngi jong ka jylla ha ka Sngi Thohdieng bad Sngi Saitjaiñ na ka daw jong ka jingdon ka ‘Deep Depression’ ha West Central Bay of Bengal.
Ka IMD ka la maham ba ka slap ba malu-mala ha kiba bun ki jaka, bad uba kham jur ha ki katto katne ki jaka ha ki bynta ba Shathie jong ka Assam bad Mihngi jong ka Meghalaya ka lah ban wan ha ka Sngi Thohdieng bad Sngi Saitjaiñ.
Nalor kine ki jaka, ka IMD ka la ai jingmaham ruh ïa ka jylla Nagaland, Manipur, Mizoram bad Tripura ba ka lah ban don ka jinghap slap kaba jur ha kine ki ar sngi.
