Shillong, Naiwieng:
Ka North East Paramedical and Nursing Institute (NEPNI) kawei na ki jaka pule ba paw na ka bynta ka koit ka khiah ne Health Care Education bakynthup ïa ki jingpule Nursing & Paramedical, ha ka thainñ Shatei-lam-Mihngi ka India hapoh jong ka jingpynïaid ka NEPNI Trust, kaba don Guwahati jong ka jyllaAssam ka la pynbna ban ai ïa ka scholarship na ka bynta ki khynnah kiba wan sha khmat bad kiba dei na ki longïing kiba duna ha ka ïoh ka kot ha kylleng ka ri.
Kane ka Scholarship na ka bynta ki khynnah ba wan sha khmat ne Merit, yn ai na ka bynta ki khynnah kiba pule Science bad kiba ïoh 80% ne palat ïa kata ha ka eksamin 10+2, bad yn ai da ka BPL scholarship, na ka bynta kito kiba ïoh 60% ne shaneng, bad kin ïoh 30,000 tyngka marwei. Ïa kane ka Scholarship yn ai sha kito ki khynnah kiba pule ïa ka ANM, GNM, B.Sc Nursing, bad Paramedical ha NEPNI Group of Institutions ha ALikash, Kamrup Assam, bad ka tarik ban kut ban pynrung kyrteng ne ban leh Admission kan long ha ka 30 tarik u Naiwieng 2023. U Babul Ali, President ka NEPNI Trust u la ong, “Ngin pynbiang ruh la ka jong ka jaka sah ne hostel na ka bynta ki khynnah kiba wan ban pule bad kiba dei na kiwei ki jylla shabar jong ka Assam, ngin ïarap ban pynïoh ïa ka ram ban leit pule ne ka Education Loan bad ngi trei tyngeh ruh ban pynïoh 100% ka jaka ban trei na ka bynta ki khynnah pule kiba na kane ka ri bad kiba na bar ri ruhkumjuh.”
La bthah ïa ki khynnah ba kin leit sha ka website https://nepniinstitutions.in ban ïoh ïa ki jingtip ba kham bniah bad ban phah ne Submit ïa ki kot ki sla ba donkam lyngba ka Online.
