Shillong, Naiwieng 23
Ki nongtrei Bank ka jylla kiba don hapoh ka synjuk jong ka Meghalaya Bank Employees Association (MBEA) kin pynlong ïa ka jingïalang ne ka conference kaba 11 jong ka ha ka 25 tarik mynta u bnai hapoh ka kamra jingïalang jong ka Meghalaya Cooperative Apex Bank, Head Office, GS Road ha ka por 2:30 nohphai sngi.
Ha kane ka sngi yn ïadon lang ruh u CH Venkatachalam uba dei u General Secretary jong ka All India Bank Employees Association u ban plie ïa kane ka jingïalang.
Ha ka kyrwoh lyngba u M Chakravarty, General Secretary la ong ba la khmih lynti ruh ïa kiba bun ki nongïalam jong ki Trade Union jong ka thaiñ Shatei Lam-Mihngi (Northeast) ba kin wan ïashim bynta ha kane ka sngi.
