Tel Aviv, Naiwieng 26 (UNI)
U Myntri Rangbahduh ka Israel, u Benjamin Netanyahu, ha ka Sngi U Blei u la leit jngoh ïa ka Gaza Strip bad u la ong ba ka thma kan bteng haduh ban da lah ban pynliem ïa ka kynhun Hamas.
“Ngi don ha Gaza ryngkat bad ki shipai kiba shlur. Ngi dang trei shitom ban wanrah biang ïa ki nongshong shnong jong ngi kiba la shah rahbor, bad ngin sa wan ïalam ïa ki baroh,” la ong u Netanyahu uba la ïakynduh ïa ki shipai Israel kiba la leit rung sha Gaza.
“Ngin bteng haduh ban da kut – haduh ban da ïoh jingjop. Yn ym don ba lah ban khang ïa ngi, bad ngi ngeit skhem ba ngi don ka mon ban poi sha ki thong ba ngi la buh ha kane ka thma, bad ngin leh ïa kata,” u la ong.
U Myntri Rangbahduh u la ong ba ki lai tylli ki thong ki kynthup ïa ka jingpynliem ïa ka kynhun Hamas, ban wanrah biang ïa baroh ki nongshong shnong kiba la shah rahbor ha ka Hamas, bad ban pynthikna ba ka Gaza kan ym long shuh ka jaka kaba buh jingma ïa ka Israel hadien habud.
