Shillong, Naiwieng 26
U Dr. DRL Nonglait uba dei u President ka Khasi Authors Society (KAS) um pat kwah ban kren eiei haba ka kyrteng jong u ka la mih ha ka thup ban pan tiket MP Lok Sabha na ka United Democratic Party (UDP).
Ha kine ki sngi ka kyrteng jong u Dr. Nonglait ka la paw lang ha ki lad pathai khubor ba u pan tiket na ka UDP hynrei haduh mynta ka UDP ka dang phah sha ka State Election Committee ba kan bishar bniah ïa ki hynriew ngut kiba la paw kyrteng lang.
Kine ki ‘riew rangbah kiba la paw kyrteng ha ka thup pan tiket na ka UDP ki long u Bah Paul Lyngdoh uba dei u Myntri ha ka Sorkar Jylla, Bah Jemino Mawthoh uba bat kum u General Secretary ka UDP, Bah PT Sawkmie MLA barim ka Mawlai, Bah Titosstarwell Chyne u MDC na Sohra, Bah Robertjune Kharjahrin kum President barim ka HYC bad Dr. DRL Nonglait.
Na ka liang ka UDP kaba la dep shong jingïalang bad ka HSPDP ki la phah sha ka State Election Committee ba kan bishar bniah shwa ba kan pynbna ïa u kyrtong.
Haba u nongthoh khubor u la ïoh ban ïakynduh ïa Dr. Nonglait u la pynpaw ba um pat kwah ban pynpaw eiei halor ka jingmih kyrteng hynrei un sngap shwa shipor.
