Khliehriat, Naiwieng:
Ka Meghalaya Early Childhood Development (MECD) & Rescue Mission ryngkat ka ophis u Block Development Officer, Saipung C&RD Block ha ka 24 tarik Naiwieng ka la pynlong ïa ka Block Level Sensitization shaphang ka jingdonkam ban pynheh pynsan ïa ki khynnah naduh ba ki dang rit ne Early Childhood Development (ECD) Mission & Rescue Mission ha ka jingïalang kaba la long ha Latyrke Camp Office, Saipung C&RD Block.
Ha kane ka sngi la donlang ka Additional Deputy Commissioner, EJH, Kong J.U. Kharpuri, u Block Development Officer, Saipung C&RD Block, u Dr. R. Pyrtuh, u District Medical & Health Officer, u Dr. D. Shylla, ki Waheh Shnong ki ‘riew rangbah bad kiwei-kiwei.
Ka Kong J.U. Kharpuri ha ka jingkren ka la ban jur ïa ka jingdonkam ka jingheh jingsan jong ki khynnah bad ruh ka jingdonkam iaki kmie ki kpa ban pyllait por kyrpang bad ki khnang ba kin heh kin san pura.
Nalorkata ka la kyntu ruh ïa ki nongwan ïashim bynta ban pynphriang khubor shaphang ka jingdonkam ban pynheh pynsan ïa ki khynnah naduh dang rit sha man ki thliew ïing bad ha ka imlang-sahlang.
Ki ‘riew shemphang kiba la ai ka jingbatai shaphang ka pule puthi, ka POSHAN Abhiyan, Integrated Child Development Scheme (ICDS) bad kiwei-kiwei, nalorkata kala don ruh ka jingphylliew jingmut bad kiwei-kiwei.
