Shillong, Naiwieng 27
Ka Meghalaya Human Rights Commission (MHRC), Shillong ka la shim khia halor ka khubor kaba ïadei bad ka jingbym ïoh tulop/jingsiew jong ki hynriew ngut ki nongtrei kontrak (Contractual Employees) ka tnat Transport ha South Garo Hills.
Katkum ka jingpynmih ha kawei ka kotkhubor, la ong ba kitei ki nongtrei ki khlem pat ïoh jingsiew la palat ar snem bad uwei na kita ki nongtrei u la khlad noh katba u khlem pat ïoh ïa ka jingsiew kaba la sahkut la 20 bnai.
Na ka liang ka MHRC ka la ai da ka jingthoh sha u Chief Secretary ka sorkar jylla ban pynlong ïa ka jingtohkit halor katei ka jingjia bad ba un ai da ka kaiphod kaba bniah hapoh 15 sngi, bad ïa kane la pyntip da u Secretary ka MHRC.
