Jowai, Naiwieng 28
Ha ka shiteng sngi jong ka 28 tarik mynta u bnai, ka la don ka jingïakawang maw bad sei waitlam hapdeng ki nongtrei ka khyrdop (Check Gate) jong ka Jaiñtia Hills Autonomous District Council (JHADC) bad ki nongñiah trok ha surok Bypass, Khliehtyrshi ha West Jaiñtia Hills District.
Katkum ka dur-khih ne Video kaba la saphriang ha ki rynsan lad pathai, la ïohi ba ki nongñiah trok ki hiar napoh ki trok jong ki da kaba rah ryngkat bad ki waitlam bad beh thong ïa ki nongtrei katei ka khyrdop jong ka JHADC.
Katkum ka khubor kaba ïohlum la ïathuh ba kitei ki nongñiah trok ki kyntait ban siew khajna bad dei hangne ba la mih ka jingïakawang maw bad ïa rah waitlam.
