Shillong, Naiwieng 29
Uwei u rangbah briew u bym pat shym ithuh kyrteng bad uba ñiah ïa ka Scooty kaba don ïa u registration number ML 05 M 6059 ha ka janmiet jong ka 29 tarik u Naiwieng 2023, u la lait na ka jingjia kaba sngewsih hadien ba u la leit ban sangah ïa ka bos saw hajan ka Petrol Pump Anjalee kaba don pyrshah ïa ka Military Hospital.
Katei ka bos saw ka dei kaba don ïa u registration number ML 01 7442 bad kadei kaba kamai bad kaba dang kit ïa ki nongleit nongwan sha ki thaiñ Laitlyngkot ter ter sha Nongkynrih.
Ïa utei u rangbah uba ñiah ïa ka scooty bad uba la mynsaw la pynkit noh sha ka jaka ai jingsumar ha Civil Hospital, Shillong ban ïoh ïa ka jingsumar kaba biang bad kumjuh ruh ïa u nongñiah ïa ka bos saw la pynkit sha katei ka jaka ai jingsumar khnang ban leh ïa ki test.
Ha kaba ïadei bad katei ka jingjia ka la wanrah ruh ïa ka dheng kali bad ka jingsahkut ki kali ha kitei ki bynta.
