Shillong, Naiwieng 29
Ka Sorkar Jylla ka la buhthong ban pyndep kumba shi lak sawphew hajar tylli ki ïing kiba dei ban shna lyngba ka skhim Pradhan Mantri Awas Yojana (PMAY) mynta u snem 2023-2024.
U Myntri Rangbah uba la shim ïa kane ka mat ha ka jingïalang jong u bad ki ophisar, u kyrtiang dien ïa ka rukom pyntrei ïa kane ka skhim, bad ïathuh ba ka Sorkar Jylla ka la buhthong ba dei ban pyndep shna 1 lak 40 hajar tylli ki ïing hapoh une u snem 2023-2024.
Haba kylli halor ka jingmang pisa kaba long kumjuh lut ïa baroh ki nongïoh myntoi, u la ong ba ym lah ban mang pisa katkum ka jingjngai ne jinglong ka jaka hynrei kane ka wan na ka Sorkar Pdeng ka long beit kumjuh ïa baroh.
U la ong ba lada don ka lad ban leh kumta, kan mih sa na ki jingdawa na ki shnong namar kawei ka shnong ruh ka ïapher ka jinglong ka jaka, bad dei na kane ka daw ba hap bud ryntih lang kumjuh haba ïadei bad ka jingmang pisa ban shna ïing.
U la ong ba haduh mynta lajan kot T.800 klur ka pisa kaba la pyndonkam ban shna ïing lyngba ka skhim PMAY.
