Shillong, Naiwieng:
Ka tnat Social Welfare ka la bthah ïa ki Deputy Commissioner baroh jong ki district ban phah ki jingtyrwa haba ïadei bad ki Anganwadi Centre kiba dei ban pynbha bad shna thymmai ha ryngkat ka jingbuh por ban pyndep namar ka Jylla ka dang duna ki Anganwadi Centre ha kaba ki C&RD Block ki don 55 tylli ki Block katba ki don 41 tylli ki Centre.
U Principal Secretary ka tnat Social Welfare u Sampath Kumar u la ong ba ki jingeh kiba donkam ban shim ban pynbeit ki sdang na ki Anganwadi Centre namar ki don 6 lak ngut ki khynnah ha kane ka Jylla ha kaba ki don 273 tylli ki Anganwadi Centre kiba la don bad palat 2000 tylli kiba donkam ban pynkiew kyrdan.
U la ong ba yn sa pyndonkam lang ïa ka mang pisa kaba dei na ka bynta ka MGNREGS nalor ka ECD Mission kaba la dei ruh ban soi ïa ka jingïoh ram lyngba ka ADB kaba long 15 million dollar ha kaba ka Sorkar Jylla kan siew tang khyndiat bad kaba bun ka dei ka Sorkar Pdeng.
La ong ruh ba lyngba ka DREAM mission ka ban sdang shwa da ka jingïalang ha ka 5 tarik Nohprah, la don ruh ki jingtyrwa na ki Dorbar Shnong ban buh ïa ki Rehabilitation Centre ban peit ïa kiba kyrni ha u drok lyngba ka jingkyrshan lang ka Sorkar bad ki shnong pat kin ai jaka ban shna ïa ki Rehabilitation Centre.
Kumta donkam ban pynsted ïa ka rukom treikam namarba na ki 55 tylli ki Block tang ha ki 41 tylli ki dei kiba la don.
Ka don ruh ka jingbuh por ban pyndep ïa ki Anganwadi Centre ha la kajong kajong ka por kaba dei ban pyndep, nalor ka jingpynkhlaiñ ïa ka jingdon ki briew kiba trei.
Shuh shuh ka tnat Social Welfare ka kren ruh shaphang ki jingmad jingeh ki kynthei ki khynnah bad ka jingbuh ïa ki Helpline Number.
