Shillong, Naiwieng:
U Myntri ka tnat Social Welfare u la ïathuh ba ka jingjied ïa ka Chairperson ka Meghalaya State Commission for Women (MSCW) shen kan sa dep noh bad ïa kane ka mat yn sa rah ban ïatai bad mynjur da ka Kynhun Myntri (cabinet).
U Bah Paul u la ong ba ki la dep don ki kyrteng kiba dei ban shahjied kum ka Chairperson tangba yn dang shim rai ïa kane.
Haba kylli lano kane ka kam kan dep noh, u la ong ba ha ka jingïalang ka Kynhun Myntri ka ban sa long lehse la lah ban wanrah ïa kane ka mat ban ïatai bad ai jingmyntoi.
Ka MSCW haduh mynta ka dang treikam khlem ka Chairperson hadien jong ka Kong Phidalia Toi kaba khlem don shuh kum ka Chairperson.
