Shillong, Nohprah 01
Ka Coordination Committee of Indo Bangla Riwar People ha ka Sngi Thohdieng ka la pynpaw ïa ka jingsngewlem halor ka jingkhlad noh jong u Bah Africa Suting uba long uwei na ki shipai Khasi, uba la ïadon bynta ha ka jingïaleh laitluid jong ka Bangladesh ha u snem 1971.
Ha ka kyrwoh sha ki bahaïing hasem, na ka liang ka komiti, ka sngewkitram shibun halor ki kam radbah jong utei u rangbah, ha kaba la pyndonburom ruh ïa u ha u Risaw 2021 ha shnong Mawryngkang.
Ïa ka jingleh burom bad jingleit ontep ïa u Bah Africa Suting yn pynlong ha ka Sngi Saitjaiñ ha ka jingpynïaid ka Balang Katholik ha Awla Punjee ha Bangladesh. U khun jong u Bah Suting, u Bah Dewi Khonglah u la ïathuh ba ka jingleh burom na ka liang ka Balang bad ka ïing ka sem kan long ha ka por 12 baje mynsngi katba ki shipai Bangladesh kin leh burom ha ka por 1 baje noh phai sngi.
Kane ka long katkum u kyrwoh khubor na u Bah RM Shabong uba long u Chairman ka Coordination of Indo Bangla Riwar People.
