Shillong, Nohprah:
Ka ICICI Prudential Life Insurance ka la long kawei na ki shnat ai jingshakri ha ka liang ka Life Insurance ban ïoh shibun ka jingïohnong napdeng ki shnat shimet ba ai ïa kane ka jingshakri ha ka Q2 2024, da kaba la lah ban ai ïa ka pisa haduh 97.9% ha ka Q1 2024. Kane ka pyni ïa ka jingtrei ba radbah ban pynïoh ïa ki jingshakri kiba paka kumba la kular na ka bynta ki nongbuh pisa bad ki bahaïing hasem jong ki. Ha ka Q2 2023, ka kompani ka la ïoh ban ai ïa ka pisa kaba long 98.7%, bad ka por ba ki briew kiba leit kam ne shim ïa ka pisa na ka bynta kito kiba la khlad noh ka long 1.2 sngi.
Kane ka long ka jingtreikam: Ki kompani Life Insurance kiba wan sha khmat ha ka liang ban ai ïa ka pisa sha ki nongbuh pisa ha ka Q1-FY2024 ki long ka ICICI Prudential Life Insurance kaba long 97.9%, TATA AIA Life Insurance kaba long 77.3%, bad ka HDFC Life kaba long 96.7%, Bajaj Allianz Life Insurance kaba long 93.5%, Max Life Insurance kaba long 86.3%, bad ka SBI Life Insurance kaba long 95.8%. Katba ka pisa ba heh tam ba la lah ban pynbiang ha ka Q2-FY2024 na ka bynta ka ICICI Prudential Life Insurance ka long 98.14%, ka TATA AIA Life Insurance ka long 90.55%, HDFC Life ka long 96.62%, Bajaj Allianz Life Insurance ka long 91.79%, Max Life Insurance ka long 95.90%, bad ka SBI Life Insurance ka long 95.67%.
Ïa kine ki jingtip la pyllait paidbah ha ka website jong ka kompani. Ka phang pdeng jong ka kam ba ka kompani ka leh ka long ban phai khmat sha ki nongbuh pisa bad ïa ka jingpynbiang ïa ka pisa jong kito kiba wan ban kam ne shim ïa ka pisa jong I nongbuh ba la khlad tang hapoh shi sngi hadien ba la ïoh lut ia ki kot ki sla kiba donkam na ka bynta ban pyntikna ïa kane.
