Los Angeles:
U Zack Snyder u la mynjur ban treilang bad ka Amber Heard ha ki snem ban wan ha kaba u Zack wat hadien ba la mih shibun ki jingkynnoh bad jingkynthoh pyrshah ia ka Amber pynban um shym la kyntait ban iadei kam bad ka.
Naduh ba ka iingbishar ka la rai pynrem ia ka Amber halor ki jingkynnoh ia u Johnny Depp bun ki nongshna phlim bad direktor ka Hollywood ki la kyntait ban iadei kam bad ka Amber ha kaba kane ka puron kam shym la iohlad ban soi kano kano ka phlim thymmai.
Hynrei mynta u Zack Snyder u la mih sha khmat ban ai jingkyrshan ia ka Amber da kaba rai ban treilang bad ka ha ki phlim ban wan jong u. Kane ka puron kaba la ak ruh ha ka Aquaman 2 ka la shah weng noh tang ha ki bynta ba shapdeng jong katei ka phlim hadien ka jingpyrshah jong uba bun ba lang.
