Jowai, Nohprah 01
Ar ngut ki khynnah ki la duh ei la ka jingim hadien ba ki la ngam jyllop ha ka Wah Khangrah kaba don ha Syntu Ksiar.
Kane ka jingjia ka la jia ha ka 1 tarik Noh-prah ha ka por 11.00 baje eiei mynstep.
Kine kiba la khlad la tip kyrteng kum u Pyndapbiangmi Ryngkhlem (9 snem) bad u Mebankynsai Suchiang (12 snem ka rta) bad baroh ar ngut ki dei na Mookyrdup, West Jaiñtia Hills Ditrict.
Katkum ka khubor kaba ïoh lum, ka ïathuh ba kine ki khynnah kiba don 6 ngut ki la leit sum sha katei ka wah bad ar ngut na ki la ngam jyllop katba kiwei pat ki lait im.
Ki pulit kiba la ïoh jingtip ïa kane ki la hiar sha kane ka jaka bad pynkit ïa ka met sha Jowai Civil Hospital ban leh ïa kaba donkam.
