Shillong, Nohprah 01
Kawei ka kudam marbam kaba la tip kyrteng kum ka ‘Magik Cook’ kaba don ha ka thaiñ Garikhana ka la kem ding kynsan ha ka shiteng synñia jong ka Sngi Saitjaiñ.
Ka jingpluh jong katei ka kudam ka la jia ha ka por kumba 12:30 baje eiei ha ka shiteng synñia jong ka Sngi Saitjaiñ.
Katkum ka jingïathuh jong ki ‘riew paidbah kiba don ha katei ka jaka, ki la ong ba ka la don ka jingbthei kaba sawa jam kaba la mih na katei ka kudam.
Ki la ïathuh ruh ba ki la don kumba 4-5 tylli ki kali pynlip ding kiba la wan poi ha katei ka jaka ban tem ïa katei ka ding kaba klang.
Kat haduh ba la thoh ïa kane ka khubor, ki pulit pynlip ding ki dang ïakhun ban tem ïa ka ding kaba klang na katei ka kudam.
