Shillong, Nohprah:
Ka TiE Delhi-NCR bad ka Prayatna ki la ïatehlok ban pynlong ïa ka IT-kaba la pynsaiñdur da ki buit treikam thymmai- Hackfest, ‘Malaria Hackfest – Predict, Plan & Prevent’, ba la ïoh ïa ka jingkyrshan da ka Mortein. Ka jingthmu jong kane ka sienjam treikam ka long ban ïakren shaphang ki jingduna ha ka liang ka jingkhmih bniah, ka jinglap ïa ka jaka, bad ka jinglah ban pyntip lypa ïa ka jingkhie ka jingpang Malaria. Ha kane ka Hackfest yn khot sngewbha ïa ki jaka ai jinghikai kiba ha khliehduh ha ka liang ka Technology ha India, kynthup ïa ka IIT, NIT, bad IIIT, ban wad ïa ki lad sdang kam kiba yn lah ban weng ïa kine ki jingduna. Ki nongjop kin ïoh ïa ka khusnam kaba long 5 lak tyngka.
Ki bynta kiba ha khmat bad kiba don ka jingsngewkhia ha kaba ïadei bad ka jingpynduna ïa ka Malaria lyngba ka IT-ki buit stad treikam thymmai ha India ba kynthup ïa ka jingwad bniah kaba pyni ïa ka por kumba ka long, ka jingïathuh lypa ïa ka jingbun jong ki skaiñ pyrjong bad ka jingmih ka jingsaphriang ka jingpang Malaria, ka jinglah ban tip ïa ki jaka kiba jur ki jaka kha roi ki pyrjong, bad ka jingpynïar ïa ka jingtreikam naduh na trai shaduh sha ki bynta ba sha khlieh ha ka ri.
Ka Geetika Dayal, ED, TiE Delhi-NCR, ka la ong ba ka program ka long ban peit bniah sha ki bynta kiba ïadei bad kumno ban thaw ïa ki lynti ban seng ïa ki kam ki jam ban ïarap kumno ban pynduna ïa ka jingkhie kynrei ka Malaria. Ka TiE Delhi-NCR ka don ïa ka bynta ba kongsan ban thaw ïa ka rynsan na ka bynta ki nong seng kam lajong ban pyni ïa ki buit treikam thymmai, bad ka jingïatehlok bad la khmih lynti ba ka jingïatehlok bad ka Reckitt kan wanrah ka jingkylla na ka bynta ban ïaleh pyrshah ïa ka jingpang ba ïoh na ki pyrjong ym tang ha India bad ha ka pyrthei baroh kawei.
