Los Angeles:
Ka Aidy Bryant kan sa shimti kum ka nongpyniaid jong ka Film Independent Spirit Awards ha kaba kane ka puron kaba long ruh ka nongpyniaid jong ka Saturday Night Live, kan sa pyniaid ia kane ka show ka ban long ha u bnai Rymphang 2024.
Ka khubor na Hollywood ka iathuh ba ia ka Film Independent Spirit Awards la rai ban pynlong ha ka 25 tarik u Rymphang ha Santa Monica, Calif bad yn sa pyni lyngba ki You Tube Channel bad Social Platform.
U President ka Film Independent u Josh Welsh ha ka jingiakren bad ki lad pathai khubor ha kaba iadei bad ka jingpynlong ia kane ka jingsam khusnam ula pynpaw ka jingsngewkmen ban iohlad biang ban pynlong ia kane ha u snem ban wan bad pdiang sngewbha ruh ia ka Aidy kum ka nongpyniaid jong kane ka Award Show.
Ka daw ba la jied ia ka Aidy kum ka nongpyniaid jong kane ka jingsam khusnam ka dei namar ba ka nang bha ban pynsammut bad pynsamrkhie ia ki nongwan peitkai .
Ka Aidy ka la shim bynta ruh ha ka Unbreakable Kimmy Schmidt ba la pynmih da ka Netflix bad ak ruh ha ka The Big Sick bad I Feel Pretty. Ha kaba iadei bad ki ban iakhun ha ki kyrdan bapher bapher jong kane ka jingsam khusnam ia ka kyrteng yn sa pynbna naduh ka 5 tarik.
Ha ki snem ba la leit ka Aidy ka la khring ia kiba bun ban peitkai ia ki show ba ka shim bynta da ka jingnang bad jingtbit jong ka bad bunsien ki show jong ka ki dei ruh kiba itynnad bha.
