Khliehriat, Nophrah 03
Ka ophis District Integrated Strategy for HIV/AIDS (DISHA), Khliehriat ryngkat ka Mihmyntdu Community Social Welfare Association, Targeted Intervention Counselling Centre, Chankylliang Development Society, OST Centre, Khliehriat, AHANA, VIHAAN lyngba ka jingkyrshan ka ophis Project Director, Meghalaya AIDS Control Society (MACS), Shillong bad District Legal Services Authority (DSLA), East Jaiñtia Hills District ha ka 1 tarik Nohprah ki la rakhe ïa ka ‘World AIDS Day’ ha Dkhiah East Community Hall. U Bah S. Pdang, Public Prosecutor, District and Sessions Court, East Jaiñtia Hills u la long kum u kongsan ha ka jingdonlang u Dr. D. Shylla, District Medical and Health Officer, East Jaiñtia Hills District, u Dr. J. Nongtdu, Medical Officer in-charge Opioid Substitution Therapy Centre, Khliehriat bad kiwei. U Bah S. Pdang u la ai khublei ïa ka DISHA, Khliehriat bad MCSWA kiba la pynlong ïa ka jingïalang pynsngewthuh halor ka HIV/AIDS. U Dr. D Shylla u la ïathuh ïa ki jaka sumar bad jaka ïasyllok kiba don hapoh ka District na ka bynta ban ai jingsumar ha kaba ïadei bad kine ki jait jingpang.
