Gaza/Jerusalem, Nohprah 03 (UNI)
Ka jingïap ki nongthoh khubor bad kiwei kiba ïadon bynta ha ki kam pathai khubor na ka jingïakynad hapdeng ka Israel bad ka Hamas kaba la sdang naduh ka 7 tarik Risaw, ka la kiew sha ka 61 ngut, la ong ka Committee to Protect Journalists (CPJ) ha u kyrwoh khubor.
“Haduh ka 1 tarik Nohprah, ka jingtohkit jong ka CPJ ka pyni ba kumba 61 ngut ki nongthoh khubor bad kiba trei ha ki lad pathai khubor ki long napdeng palat 16,000 ngut ki briew kiba la ïap naduh ba sdang ka thma ha ka 7 tarik Risaw,” la ong ka CPJ.
Ka sngi ba bun tam ba ki nongthoh khubor ki la khlad ka dei ha ka 7 tarik Risaw ha kaba hynriew ngut ki la ïap bad kaba ar ka dei ha ka 18 tarik Naiwieng ha kaba san ngut ki khlad.
