Nongstoiñ, Nohprah:
Ha ka Sngi Thohdieng, ka Meghalaya New & Renewable Energy Development Agency (MNREDA), ka la ïoh ban pynlong ïa ka jingïalang pynshai paidbah halor ka ‘Renewable Energy’.
Ïa kane ka jingïalang la pynlong hapoh Mecofed Hall ha New Nongstoiñ bad la wan ïashim bynta da ki khynnah skul ka thaiñ Nongstoiñ, ki nongïalam shnong, ki Society bad kiwei-kiwei ha ryngkat ka jingïadon lang ka Kong Elizabeth Kharjana, District Project Office bad u Bah H. Wahlang, Junior Engineer ka MNREDA.
Ha kane ka sngi la ïoh ruh ïa ka jingbatai shaphang ki kor teknoloji kiba lah ban pyndonkam man ka sngi da kaba pyndonkam da ki bor ka mariang kiba ïoh na ka sngi, kum ka tiar pynkhluit um kaba pyndonkam na ka jingkhluit jong ka sngi, nangta ka ‘Biogas Plant’ lane ka kor pynmih ding kaba mih da kaba pyndonkam da ki sboh kiba ïoh na ka eit masi ha kaba 2 ngut ki ‘riewshemphang kiba kynthup ïa u Bah N. Warbah bad u Bah G.A. Lyngdoh ki la shim ïa ka bynta ban ai jingkren.
La pynkut ïa kane ka jingïalang da ka jingkren khublei na u Bah, H. Wahlang, Junior Engineer, MNREDA, Nongstoiñ bad hadien ba la wai katei ka prokram, ka ophis MNREDA ka la ïalam ïa ki khynnah skul lem bad kiwei pat sha ka shnong Sylleiawkheiñ na bynta ban pyni bad batai bniah ïa ka jingtrei jong ka ‘Biogas’.
