Hyderabad, Nohprah 05 (UNI)
Ka seng Congress ha ka Sngi Ba-Ar ka la pynbna ïa ka kyrteng jong u Revanth Reddy ba un long kum u Myntri Rangbah bathymmai ka Telangana.
U Reddy, uba dei ruh u President ka seng Congress ha Telangana, un bam smai ha ka 7 tarik Nohprah, la pynbna ka seng Congress.
Haba kren sha ki lad pathai khubor, u General Secretary ka seng Congress, u KC Venugopal, u la ong, “Halor ka rai ba la ai da ki MLA ka seng bad ka kaiphod na ki nongpeit pyrman bad General Secretary, u President ka seng Congress, u Mallikarjun Kharge, u la thung ïa u Revanth Reddy kum u nongïalam ki MLA ka seng Congress ha Telangana.”
Haba ai jingïaroh ïa u Reddy, uba la ïalam ïa ka jingïalap ilekshon, u Venugopal u la ong, “U Reddy u la ïalam ïa ka jingïalap ilekshon kaba radbah bad kaba jop. Ngi don ka jingkyrmen kaba skhem ba un long u nongsynshar uba biang bad ka Congress kan ïatreilang kum ka kynhun ban shakri ïa ki paidbah ka Telangana.”
U Venugopal u la ong ruh ba ka ka seng kan sa pyndep lut ïa baroh ki jingkular kaba ka la khlei sha ki paidbah ha ka por ïalap ilekshon.
